Арсенал би можел привремено да се пресели на Вембли
Фудбалскиот клуб Арсенал започна внатрешни разговори за можна експанзија на капацитетот на својот стадион „Емирати“, пренесе Би-Би-Си.
Препорачано
Како што се наведува, проектот е сè уште во многу рана фаза и засега нема конкретен план за тоа како би се извршиле градежните работи. Една од опциите што се разгледува е Арсенал, за време на изведбата на реконструкцијата, своите домашни натпревари да ги игра на легендарниот „Вембли“.
Следната година ќе се навршат точно 20 години од преселбата на Арсенал од „Хајбери“ на „Емирати“ стадионот.
Исто така, се разгледува можноста за промена на распоредот на седиштата со цел да се добијат неколку илјади дополнителни места и стадионот на Арсенал да остане конкурентен со најголемите арени во земјата.
„Емирати“ моментално има капацитет од 60.704 места и е петтиот по големина фудбалски стадион во Англија што е во сопственост на некој клуб.
Најголем е „Олд Трафорд“ со 74.879 места, кој по најавената изградба на новиот стадион на Манчестер Јунајтед би можел да достигне дури 100.000. Потоа следуваат арените на Тотенхем (62.850), Вест Хем (62.500) и Ливерпуловиот „Енфилд“ (61.276).
