Најдобрата тенисерка на светот, Белорусинката Арина Сабаленка, се пласираше во четвртфиналето на ВТА турнирот во Синсинати, САД, откако доцна синоќа ја победи Џесика Бузас Манеиро од Шпанија со 6:1, 7:5 во осминафиналето во меч кој траеше 81 минута.

Ова беше втор дуел помеѓу двете тенисерки, а втор триумф за Сабаленка, која ја брани титулата на турнирот.

Сабаленка ќе игра во четвртфиналето против Елена Рибакина од Казахстан, која ја совлада Американката Медисон Кис со 6:7 (3), 6:4, 6:2.

Ана Калинскаја со пресврт 3:6, 7:6 (5) и 6:1 ја совлада Екатерина Александрова. Калинскаја за пласман во полуфиналето ќе игра против Ига Швјонтек од Полска.

Останатите четвртфинални двојки ќе ги дознаеме по одигрувањето на мечевите: Сеидел Е. – Грачева В., Кудерметова В. – Линет М., Паоли Ј. – Крејчикова Б. и Бронзети Л. – Гоф К.