На ден пред годишнината од одбележувањето на Рамковниот договор, Аријанит Хоџа ја промовираше Европската демократска партија, нова партија за која тој неодамна собра потписи и ја регистрираше.  Доскорешниот заменик-претседател на Беса, Хоџа, денеска имаше основачко собрание. Според неговата изјава, во Македонија се отвора ново политичко дејствување. Изет Меџити утре заедно со незадоволните што ја напуштија ДУИ ќе ја формира партијата Демократско движење, на годишнината од потпишувањето на Охридскиот рамковен договор.

-Отвораме нова страница. Пред нас е првиот чекор, првата битка а тоа се уставните измени. Без епилог за уставните измени, не може да кажеме како ќе се одвиваат настаните  на политичката сцена. Очекуваме да поминат уставните измени зашто тоа е отворање на вратата за Европската Унија. Ако не поминат уставните измени тогаш државата ќе влезе во сценарио со кое ќе се загрози европската перспектива, изјави Хоџа.

Коментирајќи ја вчерашната посета на Курти тој истакна дека државава треба да се дистанцира од Србија поради руското влијание во регионот.

-Македонија треба што подалеку да стои од Србија, односно од руското влијание во регионот. Така да, индиректно е дадена порака и во самата опозиција и луѓето што го пречекаа Курти таму дека треба да бидат внимателни да не работат под диктат на политички структури што индиректно или директно работат за Русија, односно за изолирање на државата и за попречување на патот на државата кон ЕУ, изјави Хоџа.

Информира дека засега ќе дејствуваат самостојно без да се приклучат на страната на власта или опозицијата.