Израелските археолози пронајдоа антички артефакти на северот на земјата, на местото Мегидо, што може да потврди дека на таа локација се случила библиската битка кај Армагедон, јавуваат израелските медиуми.

Тим археолози откри големо количество египетска керамика на местото Мегидо, што може да потврди дека таму се водела битката меѓу кралот на Јудеја и египетскиот фараон, пишува „Тајмс оф Израел“.

Пронајдената керамика сугерира дека навистина имало египетски војници кои учествувале во таа библиска битка.

„Мегидо е единствената локација во Израел и соседните земји што се споменува во Библијата, како и во сите записи од периодот на древниот Блиски Исток“, изјавил директорот на Археолошкиот институт на Универзитетот во Хаифа.

Покрај големото количество египетска керамика, за време на ископувањата биле пронајдени и значителен број садови од Источна Грција, кои пристигнале на оваа локација помеѓу 630 и 610 година п.н.е., додека записите наведуваат дека битката кај Армагедон се случила во 609 година. Локацијата на Мегидо се споменува во хебрејскиот јазик, како и во христијанските Библии, и се вели дека овој град бил означен од кралот.

За христијаните, ова е и локацијата на битката кај Армагедон, чие име произлегува од хебрејското име „Хар Мегидо“ (планината Мегидо).

Ископувањата на овој локалитет имаат долга историја, а досега се пронајдени вкупно 20 слоеви од градот, кој бил населен 5.000 години.