Лидерот на Левица и пратеник, Димитар Апасиев ја коментираше вчерашната изјава на премиерот Христијан Мицкоски дека „Левица ѝ фрла гума за спасување на ДУИ“.

„Мицика ги убедува Македонците дека кандидирањето Македонец за градоначалник на Струга било “антимакедонски чин”!? Ауууу сине-брат… Па ти пролупа уште пред да почнат избориве“, пишува Апасиев во објава на „Фејсбук“.

Премиерот претходно ја обвини Левица дека „ѝ фрла гума за спасување на ДУИ“ со тоа што опозициската партија кандидира свои кадри во општините Тетово, Гостивар и Струга, иако, според Мицкоски, Левица „нема ниту теоретски шанси да победи таму“.

Левица ја кандидираше актуелната пратеничка Јована Мојсоска за градоначалник на Струга, Катка Божиновска за Тетово и за Гостивар – Дарко Грујоски.