Не се знае точно кон кого тренерот на францускиот клуб Мец ја насочил оваа изјава, но се претпоставува дека му пречела ВАР технологијата.

Стратегот на Мец, Фредерик Антонети вели дека ситуацијата во модерниот фудбал не е регуларна.

Антонети го критикуваше судењето на Пјер Гајус во ремито со Олимпик од Лион 1:1, во 19. коло од „Лига 1“.

Лион поведе во 56. минута со голот на Лукеба, а Траоре му донесе донесе бод на Мец две минути подоцна.

– Ова е срам и ужас. Сè е наместено во фудбалот. Го изгуби својот шарм и овој благороден спорт е уништен поради поединци – рече Антонети по натпреварот.

Мец моментно во првенството во француската лига е на 18. место на табелата, а Лион на 13. позиција.