Државната комисија за спречување на корупција го усвои приговорот на претседателскиот кандидат на ВМРО-ДПМНЕ Гордана Силјановска-Давкова за кршење на изборните правила, од страна на Академијата за судии и јавни обвинители.

Од Антикорупциска велат дека ќе преземат мерки согласно надлежностите и ќе иницираат постапка за утврдување на одговорност пред надлежните органи.

Против одлуката е дозволена тужба до Управниот суд.

Силјановска-Давкована 6 април поднесе приговор до Антикорупциската комисија, според кој Академијата за судии и јавни обвинители (АСЈО) спротивно на Изборниот законик заславала работен однос со кандидатите кои ја посетуваат обуката за судии и јавни обвинители.

Во приговорот се вели дека Аладемијата за судии и јавни обвинители во јануари 2023 година објавила оглас за прием на 130 слушатели за идни судии и јавни обвинители, а по претходно извршените тестови за странски јазик, психолошки тест и тестот за интегритет, на 29 март објавила и распоред за полагање на квалификациски тест.