Денеска Тренто објави на својот сајт дека постигна двегодишен договор со македонскиот кошаркар Андреј Јакимовски (24) кој доаѓа во италијанскиот клуб по пет сезони во НЦАА лигата.

Клубот го претставува крилото од Крива Паланка како разновиден и интензивен играч. Дебитираше во италијанската Серија А2 во сезоната 2019-2020 со Торино.

Во летото 2020 година, тој го избра колеџ патот играјќи четири сезони за Вашингтон Стејт Кугарс. Во сезоната 2023-2024 имаше просек од 9,7 поени и 5,6 скокови. Во сезоната 2024/2025 тој се пресели во Колорадо Бафалос (просек 10,2 поени и 5,1 скокови, со 47% од шут за два поени и 32% од линијата за три поени), со што го заокружи своето искуство во НЦАА.

На меѓународно ниво, Јакимовски веќе го носеше дресот на македонскиот национален тим, со кој одигра два квалификациски натпревари за Светското првенство во 2022 година – затворајќи со просек од 15,5 поени и 7,5 скокови – и два квалификациски мечеви за Европското првенство, во кои имаше просек од девет поени (со 75% од два и 57% од три) и 3,5 скокови по натпревар.

– Многу сум среќен со доаѓањето на Јакимовски, исклучително мотивиран и амбициозен играч. Сакаме да работиме заедно за да се подобриме себеси и да ја споделиме страста што нè обединува – рече тренерот на Тренто, Масимо Канчелиери.

Следната натпреварувачка сезона Тренто ќе настапува во Еврокупот кој почнува на 30 септември. Тренто ќе игра во групата Б заедфно со Турк Телеком (Турција), Бурж (Франција), Улм (Германија), Бешикташ (Турција), Будуќност (Црна Гора), Паниониос (Грција), Лиеткабелис (Литванија), Кемниц (Германија) и Лондон (Англија).

View this post on Instagram

A post shared by Aquila Basket Trento (@aquilabaskettrento)