Мира Андреева уште еднаш направи изненадување, 17-годишната руска тенисерка триумфираше над петкратната Грен слем шампионка, а моментно второпласирана на ВТА листата, Ига Швјонтек.

Двете тенисерки се сретнаа на турнирот во Дубаи, ОАЕ, а младата Русинка ја совлада полската натпреварувачка со 6:3, 6:3, по еден час и 36 минути игра.

Андреева, која оваа пролет ќе наполни 18 години, веќе е 14. рангирана во светот, а ова беше нејзина петта победа против тенисерка од Топ 10.

Андреева забележа 10 асови, додека Швјонтек не освои ниту еден поен директно од нејзиниот сервис.

Следна противничка на Андреева ќе биде шестата носителка Јелена Рибакина или Софија Кенин.