Денеска во Глазгов, Шкотска, на Светското првенство во атлетика во сала настапи македонскиот репрезентативец Андреас Трајковски во дисциплината скок во далечина.

Нашиот натпреварувач го освои 12 место со скок од 7,73 метри, што е само за шест сантиметри послабо од македонскиот рекорд во скок во далечина во сала, кој го постави пред еден месец на Балканијадата во Истанбул, Турција.

Трајковски во првата серија прескокна 7,55 метри, во втората 7,73 метри, а во третата 7,51 метри. Му недостасуваа пет сантиметри за да се пласира меѓу првите осум со што ќе се здобиеше со право за уште три скока.

Светски првак во сала е Милтиадис Тентоглу од Грција со скок од 8,22 метри, среброто му припадна на Матиа Фурлани од Италија со иста должина како Тентоглу но послаба серија, додека бронзениот медал го освои Кару Меклед од Јамајка со скок само еден сантиметар послабо од Фурлани и Тентоглу, 8,21 метри.

Трајковски сезонава ќе се обиде да обезбеди учество на Европското Првенство во Рим, како и на Олимписките игри во Париз.