Анџелина Џоли: Смртта на мојата мајка многу ме промени
„New York Times” по повод Денот на мајките објави емотивна статија, која славната актерка Анџелина Џоли и ја посвети на својата почината мајка Маршелин Бертнар. Таа почина во 2007 година откако и беше дијагностициран рак на јајниците и дојките, а Џоли во оваа статија открива како смртта на нејзината мајка влијаела на неа.
Препорачано
– Мајка ми ја изгубив во триесетите години и кога ќе се осврнам, можам да видам како нејзината смрт ме промени. Не беше ненадејно, но силно ме погоди одвнатре. Да ја изгубите мајчинската љубов и топлата мека прегратка е како некој да ви ја одземе заштитната прекривка, изјави Џоли.
Аферата на нејзиниот татко Џон Војт, вели Анџелина, ги променила животните цели на нејзината мајка и и ги уништила соништата за семејниот живот.
– Кога се најде во ситуација како 26-годишна личност да ги подига своите деца со поранешниот сопруг, славна личност кој остави голема сенка на нејзиниот живот, и избледеа соништата дека ќе стане актерка. Но, таа се уште сакаше да биде мајка, изјави Џоли.
Неколку дена по мајчината смрт славната актерка на својата десна рака направи мала тетоважа со буквата „W“ како спомен на песната „Winter“ која мајка и и ја пеела како дете.
– Како „W-то“ бледееше на мојата рака, така исчезнуваше чувството за дом и заштита. Животот донесе многу пресврти. Доживеав загуба и видов дека животот се движи во друга насока. Болеше повеќе отколку што можев да замислам дека би можело да боли, напиша Анџелина.
Потоа таа додаде:
– На денот на мајките мислам и на мајките бегалки кои ги запознав, кои живеат раселени и во сиромаштија. Патот на мајчинството секоја го започнала со ветување дека ќе направи се што може со цел да го заштити своето дете, ќе се жртвува и ќе го даде својот живот доколку е потребно. Кога се поразени и замолчени, некои работи се уште потрагични, напиша Џоли.
