Ана Курникова е повторно трудна: Поранешната тенисерка и славниот пејач очекуваат трето дете!
Чувањето на бременоста во тајност и далеку од очите на јавноста за Курникова и Иглесијас не е никаква новост.
Пејачот Енрике Иглесијас (44) го очекува третото дете со долгогодишната партнерка и поранешна тенисерка Ана Курникова.
Препорачано
Парот засега ја нема потврдено среќната вест, но фотографиите објавени во шпанскиот магазин „Хола!“, го прикажуваат парот на брод во Мајами, каде на Ана јасно и се забележува трудничкиот стомак.
Ексклузивната фотографија погледнете ја овде!
Чувањето на бременоста во тајност и далеку од очите на јавноста за Курникова и Иглесијас не е никаква новост, во однос на тоа дека веста за тоа дека очекуваат близнаци, сега двегодишните Луси и Николас, ја криеја се до моментот кога тие се родија во 2017 година.
Зборувајќи за улогата на татко, Иглесијас своевремено изрази надеж дека ќе биде успешен и рече дека станува поодговорен од кога било.
– Тоа е едно од најдобрите чувства на светот. Поодговрен сум, возам побавно. Размислувам за глупавите работи пред навистина да ги направам – рече пејачот.
Енрике ретко зборува јавно за љубовта со Ана. Врската ја почнаа во 2001 година, откако се запознаа на снимањето на спотот за неговиот хит „Escape“.
