Од моментот кога станаа пар, српската тенисерка Ана Ивановиќ и германскиот фудбалер Бастијан Швајнштајгер постојано се под будното око на јавноста.

Иако и двајцата ги завршија своите спортски кариери, сѐ уште го привлекуваат вниманието на јавноста.

Сега Ана и Бастијан решиле да се одморат од родителските обврски и да си посветат време само еден на друг.

Со оглед на тоа што скоро целото време го поминуваат со нивните деца, синовите Лука и Леон, на кои во целост им се посветени, Ана и Бастија решиле сами да отпатуваат на засега непозната дестинација.

Пред извесно време Ана призна дека понекогаш ѝ е потребна пауза од родителството.

„И на родителите со најмногу љубов некогаш им е потребна пауза и време само за нив двајца“, напиша Ана на социјалните мрежи.

Ана одвреме навреме со своите фанови на Инстаграм споделува фотографии на кои позира во опуштено издание и без шминка на лицето.