Американската гласовна актерка и сценаристка Рејчел Лилис почина по тешка битка со ракот на дојката. Таа имаше 46 години.

Лилис беше најпозната по тоа што го позајми гласот за анимираните ликови Мисти и Џеси во популарниот цртан филм „Покемон“. Тажната вест за смртта на Лилис на социјалните мрежи ја објави колешката Вероника Тејлор, која го позајми гласот за ликот Еш Кечам од „Покемон“.

„Рејчел беше голем талент, носеше светлина преку гласот и кога пееше и кога зборуваше. Ќе остане запаметена по многуте анимирани улоги што ги играше. Беше многу благодарна за љубовта и поддршката што ја доби додека се бореше со ракот“, ја започна изјавата, додавајќи колку е среќна што имала можност да се сретне и да помине време со Рејчел.

„Имаше одлична смисла за хумор и беше многу добра. Неверојатно интелигентна личност. Не сум сигурна како сега ќе се пополни оваа темна празнина, засекогаш ќе живее во нашето сеќавање“, заклучи таа.

Инаку, Рејчел Лилис студирала глума во Бостон и Њујорк и се појавила во различни театарски продукции, анимирани серии и независни филмови. Таа првично беше со седиште во Њујорк, но се пресели во Лос Анџелес во 2013 година.

We all know Rachael Lillis from the many wonderful roles she played. She filled our Saturday mornings and before/after school hours with her beautiful voice, her terrific comic timing, and her remarkable acting skills. #RachaelLillis pic.twitter.com/XOjFqY0C1L

— Veronica Taylor (@TheVeronicaT) August 12, 2024