Американец бил фатен со колекционерски банкноти и монети на Скопскиот аеродром.

Запленети се 204 банкноти и монети за колекционерски цели, чијашто вредност е проценета на 700.000 денари (11.000 евра), соопшти Царинската управа.

„Случајот е откриен на Меѓународен Аеродром Скопје, при контрола на патник, државјанин на САД“, велат од Управата.

Патникот, иако со себе носел поголема количина пари за колекционерски цели, се упатил на зелениот канал. Поради сомневање бил селектиран за детална контрола, при што во двата куфера и во торбите што ги носел биле откриени банкноти и монети за колекционерски цели.

Против патникот е поведена соодветна постапка до надлежен суд.