Aктуелниот шампион на Вимблдон, Карлос Алкараз со победа ја започна одбраната на титулата во Лондон, но до триумфот не дојде баш лесно.

Шпанецот со 3:0 во сетови беше подобар од Естонецот Марко Лајала кој е 269. тенисер во светот. Алкараз славеше победа со 7:6, 7:5 и 6:2 по еден час и 23 минути игра.

Се прикажа во одлично издание 20-годишниот Естонец на еден од најголемите турнири во светот. Во првиот клучен беше тај-брејкот кој третиот играч во светот го доби со 7:3.

Во наредниот сет моментот на одлука беше во 12. гем кога Шпанецот го одзема сервисот на Лајала и поведе со 2:0. По тој загубен сет Естонецот немаше сили да се врати и во третиот сет освои само два гема.