Карлос Алкараз обезбеди пласман во финалето на турнирот во Монте Карло откако славеше над сонародникот Давидович-Фокина со 2-0 во сетови (7-6, 6-4).

Фокина не одигра лош натпревар, сепак не успеа да приреди изненадување против третиот тенисер на АТП листата.

Првиот сет се решаваше во тај-брејк откако двајцата по двапати го изгубија својот сервис. Алкараз одигра подобро во тај-брејкот прикажувајќи многу подобра игра и со 7-2 дојде до водство од 1-0.

Вториот сет донесе брејк на Алкараз уште во првиот гем и тој беше единствениот, па се покажа како доволен за конечен триумф.

Противник на Алкараз ќе му биде подобриот од второто полуфинале во кое ќе се сретнат Мусети и Де Минор.