Шпанскиот тенисер Карлос Алкараз претрпе изненадувачки пораз уште на стартот на Мастерсот во Торино каде што беше поразен од Каспер Руд со 0:2 во сетови (1:6, 5:7).

Алкараз во Торино допатува како еден од главните фаворити и поразот за Шпанецот е големо изненадување. Руд го изненади посебно во првиот сет кога по 1:1 освои пет гема во низа и лесно поведе со 1:0 во сетови.

Вториот сет донесе подобра игра на Алкараз кој прв направи брејк и поведе со 5:2, но потоа одново му дозволи на противникот четири гема во низа. Руд со овој триумф си ги зголеми шансите за место во полуфиналето, но и го прескокна Ѓоковиќ на шестата позиција на АТП листата.

Ѓоковиќ бидејќи не учествува може да забележи и дополнителен пад бидејќи пред него наредната недела може да се и Рубљев и Де Минор во зависност од резултатите.