Карлос Алкараз се пласираше во четвртфиналето на турнирот во Синсинати, САД, откако убедливо го совлада Лука Нарди од Италија со 6:1 и 6:4.

Шпанскиот тенисер освои 13 од првите 14 поени на мечот, па до освојување на првиот сет дојде за само 27 минути.

Мораше да вложи повеќе труд во понатамошниот дел од играта, бидејќи Нарди имаше предност од 4:2. Сепак, од тој момент, Алкараз ја презеде иницијативата, целосно го префрли притисокот на својот ривал и оствари максимална победа.

Алкараз ќе игра четвртфинале на Мастерс по 18 пат во својата кариера. Неговиот следен противник ќе биде Андреј Рубљов.

Рубљов беше подобар во дуелот против Аргентинецот Франсиско Комесања и победи со 6:2, 6:3.

Германецот Александер Зверев во четвртфиналната фаза го чека победникот од мечот меѓу Б. Шелтон и Ј. Лехечка.

Во останатите четвртфинални дуели се среќаваат Синер Ј. – Оже-Алијасим Ф. и Атман Т. – Руне Х.

Арина Сабаленка во четвртфиналето на турнирот во Синсинати