И втора година по ред Карлос Алкараз не успеа да дојде до трофејот на мастерс турнирот во Мадрид, Шпанија, пред своите навивачи загуби во четвртфиналето од Андреј Рубљов со 2:1 во сетови.

Првиот сет го освои шпанскиот тенисер со 6:4, но Рубљов направи пресврт добивајќи ги следните два сета со 6:3 и 6:2.

Рубљов за пласман во големото финале ќе игра со подобриот од дуелот меѓу Тејлор Фриц (САД) и Франциско Серундоло (Аргентина).

Вториот полуфинален пар ќе го дознаеме в четврток, поради повреда Италијанецот Јаник Синер се повлече од турнирот, па директно во полуфиналето се пласираше Феликс Оже-Алијасим.

Канаѓанецот за противник ќе го има победникот од пресметката меѓу Данил Медведев Јижи Лехечка од Чешка.