Шпанскиот тенисер Карлос Алкараз се пласираше денеска во финалето на мастерсот (награден фонд 7,705,780 евра) во Мадрид откако во полуфиналето го совлада Хрватот Борна Чориќ со 2:0, по сетови 6:4, 6:3.

Мечот траеше еден час и 41 минута, Алкараз до „брејк“ во првиот сет дојде во петтиот гем. После тоа сигурно сервираше за водство во сетови од 1:0.

Во вториот сет Чориќ немаше отпор како во првиот иако направи „брејк“ во четвртиот гем.

Алкараз кој денеска го слави 20 роденден, трипати направи „брејк“ на сервис на противникот и така дојде до победата.

Шпанецот, кој ја брани титулата од минатата година, во финалето ќе игра со подобриот од вториот полуфинален меч Јан-Ленард Штруф (Германија) – Аслан Карацев (Русија).