Ракометарите на Алкалоид го запишаа и вториот триумф на турнирот „Крсте Андоновски“ што се одржува во Охрид.

Играчите предводени од тренерот Кирил Лазаров го совладаа грчкиот состав на ПАОК со резултат 28:26.

Најдобри стрелци во редовите на македонската екипа беа Џонов, Костески и Симоноски, сите постигнаа по четири гола.

А кај голманите Галевски имаше учинок од 12 одбрани, додека Кизиќ забележа пет.

Третиот натпревар во групната фаза РК Алкалоид ќе го игра против РК Ловќен од Црна Гора (23 август, 16.30 ч.) и со евентуална победа ќе се пласира во финалето.