На 30 јуни му истекува договорот на македонскиот репрезентативец со Лидс и нема никакви најави за продолжување на соработката.

Езџан Алиоски во последно време се поврзува со заминување од клубот и воедно се шпекулира дека од следната сезона ќе се пресели во редовите на турскиот Галатасарај.

Денеска се игра последното коло сезонава во Премиер лигата, составот на Марсело Биелса од 17.00 часот на домашен терен на „Еланд роуд“ со ограничен број на навивачи на стадионот, ја очекува екипата на Вест Бромвич.

Алиоски досега оваа сезона запиша два голови во 35 настапи, боите на Лидс ги брани од 2017 година, со значаен придонес во враќањето на клубот после 16 години во Премиер лигата.

Следниот месец го очекуваат нови настапи со нашата А репрезентација, поточно учеството на Европското првенство.