Европскиот кадетски шампион во борење, Бесар Алили, на свечениот пречек на плоштадот “Скендерберг“ изјави дека нема намера тука да застане.

Младиот борач посакува да оди по стапките на Шабан Трстена (ЛОИ 1984 – златен медал, ЛОИ 1988 – сребро), на Шебан Сејдиу (ЛОИ 1980 и 1984 – бронза) и на Могамед Ибрагимов (ЛОИ 2000 – бронза), и неговиот сон е освојување на медал на Олимписките игри. Нормално,  желбата на младиот борач е златниот медал.

– Господ многу ми помогна да се вратам во игра и да победам во финалето. Имав доверба дека ќе победам и ова не е ништо, сега мојот сон е настап на Олимписки игри и таму да освојам медал”, изјави Алили.