Голем за успех за македонското борење, двајца репрезентативци ќе се борат за бронзен медал на Светското првенство до 20 години кое се одржува во Јордан.

Со медал ќе се обидат да се закитат Бесир Алили во категоријата 61 кг. и Шаќир Бислими во категоријата 86 кг.

Алили беше блиску да се најде во финалето, водеше со 6:3 против Кумар Мохит од Индија, но противникот во последните 90 секунди триумфираше со туш.

Бислими најпрвин загуби во осминафиналето до Французинот Рахим Магамадов со 0:10, потоа во репасажот со 12:1 (туш) го совлада Ваџим Бандарику (неутрален), а триумфираше и над Оразмухамет Хојалиев од Туркменистан со 12:4 (туш).

Бислими во борбата за бронзениот медал ќе ги одмери силите против Бенет Кевин Берџ од САД.