Поротата во Ново Мексико вчера го обвини актерот Алек Болдвин за убиството на Халина Хачинс за време на снимањето на филмот „Р’ѓа“ (Rust), ​​неколку месеци откако првичните обвиненијата против него беа отфрлени, само две недели пред почетокот на судењето.

Болдвин е обвинет за убиство од небрежност, со што повторно се отвори кривичната постапка против него за фаталното пукање пред повеќе од две години за време на проба на филмскиот сет. На обвинителката Кара Т. Морисеј ѝ беше доделен случајот против Болдвин минатата година, откако првобитното обвинение беше отфрлено, пишува „Њујорк тајмс“.

Обвинителите тогаш нагласија дека ова „не го ослободува Болдвин од кривична одговорност“ и јасно ставија до знаење дека обвиненијата против него може повторно да бидат покренати. Сега локалните обвинители наведуваат дека нашле дополнителни факти поради кои бараат ново судење.

Според законот на Ново Мексико, доколку биде осуден за убиство од небрежност, Болдвин може да се соочи со затворска казна до 18 месеци.

ФОТО | Човекот кој на Болдвин му го даде пиштолот и порано имал слични инциденти – пиштолот „случајно“ пукал

ФОТО | Алек Болдвин се пофали со новиот имиџ, па веднаш „го подбраа“: 100 отсто заслужи да си во затвор сега!