Манчестер јунајтед будно ќе ги следи резултатите и играта, а во случај наскоро да не се забележи напредок, неизбежна е промена на тренерот.

Британските медиуми откриваат дека првите луѓе на англискиот фудбалски гигант веќе извесно време испраќаат сигнали со можни замени за Ерик тен Хаг, а „прв пик е“ – Масимилијано Алегри!

Трофејниот Италијанец го напушти Јувентус на крајот од минатата сезона, откако играта на тимот не беше на посакуваното ниво, иако во два мандати на Јувентус му донесе по пет трофеи во Серија А и Купот на Италија.

Алегри и претходно беше поврзуван со Јунајтед, но никогаш не се одржаа сериозни преговори. Сега ситуацијата е поинаква, Алегри е слободен, а на пазарот нема премногу опции.

Меѓу навивачите на Јунајтед постои поделено мислење, повеќето веруваат дека поодбранбениот стил на Алегри нема да ги донесе потребните промени по Тен Хаг.