Ракометарите на Алборг во неизвесна завршница го совладаа актуелниот шампион Магдебург со 28:26 (11:11) и обезбедија пласман во финалето на Лигата на шампионите.

За данската екипа најдобар беше Мадс Хангард со осум гола, Себастијан Бартолд додаде шест, а Микел Хансен и Томас Арнолдсен постигнаа по пет. Во германскиот тим се истакна Омар Инги Магнусон со 10 гола, а по четири додадоа Феликс Клар и Матиса Муше.

Натпреварот беше неизвесен во текот на целиот натпревар и ниту една екипа не успеа да постигне повеќе од еден гол предност. По 30 минути игра на семафорот стоеше 11:11.

Не помалку тензичен беше и вториот дел од играта. Се играше гол за гол, а видовме и неколку мини серии од по два гола од двете страни, а имаше и чести промени на водството. Клучниот момент на натпреварот се случи во 58 минута кога Никлас Ландин забележа исклучително важна одбрана, а неговите соиграчи од Алборг го искористија следниот напад и така стигнаа до „плус два“ позитива на 50 секунди до крајот на мечот. Магдебург дојде до гол за тоа време, но Данците го искористија последниот напад на мечот и со тоа го потврдија пласманот во финалето.

Од 18.00 часот ќе се игра второто полуфинале во ракометната Лига на шампиони каде силите ќе ги одмерат Барселона и Кил.