Сончањето на тераса е дозволено во Германија, но ако им пречи тоа на соседите, следува казна.

Во лето, многу луѓе сакаат да го искористат сончевото време сончајќи се на својата тераса. Но, ако покажете премногу кожа дома во градината или на балконот, тоа може да стане проблем во Германија и на крајот, може и скапо да ве чини.

Сончањето без облека на балконот и во градината е генерално дозволено.

– Во принцип, станарите можат да ја користат својата тераса или градина како што сакаат. Ова важи и за сончањето без облека –  се наведува во соопштението на Здружението на германски станари (ДМБ).

Меѓутоа, мора да се земе предвид локалното население. А и станодавецот, исто така, се прашува. На сите што сакаат да се сончат на балкон, тераса или покрај базен без облека, без разлика дали е во изнајмен стан или во сопствен дом, тоа главно му е дозволено. Освен ако некому тоа не му пречи.

Според извештајот на Германската уредничка мрежа (РНД), тогаш во поединечни случаи може да се направи административен прекршок за кој се казнува со парична казна до 1.000 евра.

Сепак, подстанарите кои се сончаат голи во заеднички двор не мора да се плашат дека ќе останат без станот. Станодавците тоа обично мора да го толерираат.

– Ситуацијата е поинаква кога станарите од повеќестанбена зграда ги искористуваат топлите температури додека се на балкон, тогаш на станарите им се заканува предупредување „за нарушување на куќниот мир“ – – порачуваат од ДМБ.