Иако на темата „шамарење“ на овогодишното доделување на Оскарите се изјаснија сите, од полицијата до сведоците на инцидентот, сите ја чекаат реакцијата на организаторот, односно Академијата која секако излезе со свој став.

ГАЛЕРИЈА | Oскари: Триумф на Вил Смит, Џесика Честејн и „Кода“, еве ги останатите победници

Иако многумина се прашуваа дали Вил Смит ќе остане без својот Оскар (инаку прв во кариерата), сепак од сооопштението на Академијата може да се заклучи дека засега такво нешто не е во план.

Имено, организаторот на доделувањето на Оскарите објави официјално соопштение на својот Твитер профил, во кое објасни дека не го одобрува насилството по инцитентот кој се случи.

The Academy does not condone violence of any form.

Tonight we are delighted to celebrate our 94th Academy Awards winners, who deserve this moment of recognition from their peers and movie lovers around the world.

— The Academy (@TheAcademy) March 28, 2022

„Академијата не го одобрува насилството во ниеден облик. Драго ни е што го прославивме 94тото доделување награди и нивните добитници кој заслужуваат во ваков миг признание од своите колеги и љубителите на филмот од целиот свет“ – стои во објавата.

Академијата за филмски уметности и наука има строги насоки и правила во својот кодекс на однесување, а беше објавен во делови во 2017 година, кога Холивуд го покрена движењето #МеТоо

Во тоа време извршната директорка Доен Хадсон им порача на членовите:

„Членството во Академијата е привилегија која се нуди на неколкумина избрани во глобалната заедница на филмаџиите. Освен поттикнување исклучителност во подрачјето на филмската уметност и наука, членовите мораат да се однесуваат во склад со етичките правила и вредности на Академијата, почит кон човечкото достоинство, како и вдахнатост која поттикнува креативност. Во Академијата нема место за злонамерност, користење на својата моќ или влијание на начин кој ќе ги крши стандардите на пристојноста. Академијата категорички се противи на било каков облик на злоупотреба, вознемирување или дискриминација на основа на пол, сексуална ориентација, раса, етничка припадност, инвалидитет, возраст, вера или националност. Управниот одбор верува дека сите овие стандарди се клучни за мисијата на Академијата и ја одразуваат нашата вредност“

Смит ѝ се извини на Академијата

Вил Смит му удри шлаканица на водителот Крис Рок и вулгарно го навреди затоа што водителот се пошегува на сметка на фризурата на неговата сопруга, сцена која ја засени целата церемонија на доделувањето на Оскарите.

По речиси еден час, примајќи го својот прв Оскар за најдобар глумец во улогата „Кралот Ричард“, Смит се расплака и во говорот се извини на Академијата за филмски уметности и наука, но не и на колегата Крис Рок.

Инцидентот беше озборуван цела вечер и најверојатно ќе влезе во историјата како највпечатлив скандал кој ги остави сите шокирани.

ФОТО+ВИДЕО | Скандал на Оскарите: Вил Смит го удри в лице и го опцу комичарот на сцена!