Ајакс попушти: Ван де Бек во Манчестер јунајтед за 40 милиони фунти
Дони ван де Бек наскоро ќе стане фудбалер на „црвените ѓаволи“ откако Ајакс ја прифати понудата вредна 40 милиони фунти.
Холандскиот репрезентативец претходно во текот на денот ги договори личните услови со Манчестер јунајтед и се очекува да потпише петгодишен договор, пренесуваат англиските медиуми.
Откако се договори со холандскиот репрезентативец, Манчестер јунајтед започна преговори со Ајакс кој веднаш ја прифати понудата вредна 40 милиони фунти.
After new contacts also on last hours with his agent, Manchester United have reached a total agreement on personal terms with Donny Van de Beek. The Dutch midfielder has accepted to join Man Utd until June 2025. ? #MUFC #ManUnited #transfers
— Fabrizio Romano (@FabrizioRomano) August 30, 2020
За да се комплетира трансферот, Ван де Бек треба да ги помине лекарските прегледи, а официјалната промоција како играч на „црвените ѓаволи“ ќе ја има на почетокот од неделава. Се очекува 23-годишниот фудбалер да биде дел од тимот на Јунајтед уште на стартот од новата сезона во Премиер лигата и натпреварот против против Кристал Палас кој е закажан за 19. септември.
Дони ван де Бек е продукт на славната фудбалска академија на Ајакс каде ги помина сите младински категории, а за првиот тим одигра 118 натпревари и постигна 28 гола.
Претходно голем интерес за холандскиот репрезентативец покажаа и шпанските Реал Мадрид и Барселона.