Иднината на Лионел Меси во ПСЖ се уште е неизвесна и така е затоа што неговиот договор со ПСЖ истекува на крајот на оваа сезона и се уште самиот Аргентинец не најавил дека ќе ја продолжи соработката.

Интересен коментар за иднината на Меси сега даде неговиот добар пријател Серхио Агуеро. Според Кун, Меси ќе игра клубот каде што ја започна кариерата „Њуелс Олд Бојс“.

„Лео сериозно размислува за опцијата да се врати дома и да игра за Њуелс“, изјави Агуеро.

Меси беше дел од академијата на Њуелс пред да се пресели во Барселона каде што стана клупска легенда. На коментарот на Агуеро се надоврза уште еден поранешен аргентински репрезентативец, Макси Родригез.

„Тоа е Кун, не може да молчи. Сепак, тешко е да се зборува на оваа тема затоа што се создаваат многу гласини. Да почекаме да видиме што ќе се случи“, истакна Родригез.