Се ближи крајот на судскиот процес попознат како „ТНТ“ кој се однесува за незаконското уривање на комплексот „Космос“ на бизнисменот Фијат Цановски.

Обвинети се екс-министерот за транспорт, Миле Јанакиески, поранешниот градоначалник на Гази баба, Тони Трајковски и четворица службеници, а во отсуство му се суди и на поранешниот премиер Никола Груевски.

На денешното рочиште, сите докази кои ги поднесоа адвокатите на обвинетите судијата Огнен Ставрев ги одби како неосновани.

За ова согласност даде и обвинителот Бурим Рустеми, кој се согласи само за еден доказ да биде изведен во текот на повторената постапка за овој случај, бидејќи сметаа дека предлогот од ново да се повикуваат сведоци наместо да бидат читани нивните сведочења е обид за одолговлекување на постапката.