Екипата на Сутјеска од Црна Гора е четвртфиналниот противник на МЗТ Скопје Аеродром на стартот од плејофот во НЛБ АБА2 лигата, што ќе биде воведен меч за избраниците на тренерот Александар Петровиќ во плејоф-завршницата, која ќе се одржи во „Јане Сандански“ во Скопје (13-17 април).

Евентуалната победа против должникот од Никшиќ, кој минимално, со кош во последната секунда, славеше во регуларниот дел од сезоната, би им донело полуфинале на македонските шампиони против подобриот од босанското дерби помеѓу Широки и Спарс.

Во другите плеј-оф парови се среќаваат Хелиос – Златибор и Борац Бања Лука – Младост Земун. Завршниот турнир стартува на 13 април, а само шампионот оди директно во АБА лигата.

АБА2 ЛИГА – ПЛЕЈОФ

ЧЕТВРТ-ФИНАЛЕ (13 април)

(1) МЗТ Скопје – Сутјеска

(2) Хелиос – Златибор

(3) Борац БЛ – Младост Земун

(4) Широки – Спарс

ПОЛУФИНАЛЕ (15 април)

(5) Победник 1 – Победник 4

(6) Победник 2 – Победник 3

ФИНАЛЕ (17 април)

Победник 5 – Победник 6