Рап иконата Тупак Шакур постхумно ќе добие ѕвезда на Булеварот на славните во Холивуд, 26 години по неговото мистериозно убиство.

„Тупак Шакур беше рапер, актер, активист, поет и револуционер“, рече продуцентката на настанот Ана Мартинез во соопштението.

„Легендарниот уметник е актуелен децении по неговата смрт и ќе продолжи да биде важна личност во културата уште многу години коишто доаѓаат“, додала таа, пренесува „Си-би-ес њуз“.

На легендарниот рапер ќе му биде оддадена чест во текот на церемонијата закажана за 7 јуни, кога ќе биде откриена неговата ѕвезда.

Секива Шакур, сестра на славниот рапер, ќе ја прими честа во негово име, а церемонијата ќе ја води радискиот водител од Лос Анџелес, Биг Бој.

Шакур беше убиен во 1996 година кога имаше само 25 години. За кратко време тој постигна светска кариера и продаде повеќе од 75 милиони албуми ширум светот.

Шакур, кој на сцената е познат како „2Pac“, го објави својот прв албум во 1991 година, а потоа уживаше во успехот на своите хитови како „California Love“, „All Eyez on Me“, „Changes“ и „I Ain’t mad at Cha“.

Тој се испроба и во глумата, играјќи во продукции како „Juice“, „Poetic Justice“, „Above The Rim“, „Gridlock’d“ и „Gang Related“.

Минатиот месец беше претставен документарниот филм „Драга мама: Сагата за Афени и Тупак Шакур“, за животот на трагичниот рапер и влијанието што мајка му Афени го имала врз него. На почетокот на месецот доби и улица во Оукленд, Калифорнија.

Режисер од Лос Анџелес е убеден дека Тупак е ЖИВ, снима филм за неговото бегство! (ВИДЕО)

Мадона ги продава ЛИЧНИТЕ ПРЕДМЕТИ, меѓу нив и прошталното писмо на Тупак