Љубовната приказна на Ричард Гир и Синди Крафорд е полна со интересни детали. Актерот и манекенката беа едни од најгламурозните парови во деведесеттите, но нивниот брак беше краткотраен и заврши со развод.

Ричард Гир веќе беше познат актер кога ја запозна Синди Крафорд во 1988 година на скара организирана од фотографот Херб Ритс. Имаше 39 години и глумеше во хит филмовите  „Американски Жиголо“, „Офицер и господин“ и „Убава жена“.

Синди Крафорд пак имаше 22 години беше и ѕвезда во подем во модната индустрија. Таа се појави на насловната страница на Вог и водеше кампањи за Келвин Клајн, Пепси и Ревлон.

Кога почнаа да излегуваат заедно се преселија во Њујорк. Тие ја чуваа својата врска во тајност и максимално ги избегнуваа папараците. Тие исто така биле заинтересирани за будизмот и медитацијата и заедно патувале во Индија и Непал.

„Имав 22 години, а во тоа време сè уште не знаеш кој си или што сакаш да бидеш, а тој веќе беше блиску до 40. Дваесеттите за жените се време кога само што почнуваат да ја чувствуваат својата моќ и кога жената почнува да се поврзува со својата внатрешна сила, затоа е тешко да се смени, а потоа ќе се најде во врска и наеднаш се тоа мора да исчезне јас едноставно не сакав само да следам некого, сакав да бидам и јас таа што води, но и да оди рака под рака со некого“, откри познатата Синди Крафорд во интервју за Опра Винфри во 2013 година.

Сепак, Ричард се спротивставил на идејата. Како што изјави во една прилика, Синди била таа која инсистирала да стапат во брак.

„Бев девојка која порасна гледајќи романтични филмови и сонуваше за голема свадба од бајките. Бевме заедно неколку години и постојано го прашував кога ќе се венчаме“, рекла таа.

„Имав 42 години, а жената по која бев луд и која толку многу ја сакав ми рече: „Не можам повеќе да чекам, Ако не се случи ништо ќе продолжам понатаму“, изјави тој во интервју веднаш по венчавката.

По четири години врска, Ричард конечно реши да направи свадба со својата сакана Синди во Лас Вегас. Тоа беше спонтана церемонија во мала капела, без вистински прстени, наместо тоа користеа заменски венчални прстени направени од алуминиумска фолија. Тој ден стана незаборавен потсетник на искрената и магична љубов која ги врзуваше засекогаш.

Тие имаа поинаква визија за нивната заедничка иднина

На самиот почеток работеа брилијантно, но набрзо стана јасно дека меѓу нив се уште постои непремостлива разлика. Не беа само годините, најголемиот проблем беше погрешната визија за заедничка иднина.

„Повеќе од сè сакам семејство. Чувствувам дека тоа е она што ми треба во животот и мислам дека ќе бидам добра мајка“, рекла Синди.

Кога Ричард Гир еднаш го прашаа новинарите дали планира да има деца со сопругата, тој едноставно одговори: „Јас сум уште дете“.

Потоа се појавија гласини дека нивниот брак е само фарса бидејќи и двајцата се геј и дека наскоро ќе се разведат. Гласините отидоа дотаму што конечно платија оглас во весникот за да ги побијат и јавно да ја потврдат нивната хетеросексуалност.

„Се венчавме затоа што се сакаме и затоа што сакаме да го поминеме животот заедно. Ние сме хетеросексуалци, моногамни и сериозно ја сфаќаме нашата врска. Гласините за развод не се точни“, гласи огласот што се појави во весниците на почетокот на мај 1994 година.

Бракот пропадна по 7 месеци

Само седум месеци подоцна, поточно на 1 декември 1994 година, парот објави дека се разделува, ставајќи крај на нивната заедничка приказна. Манекенката не дозволи тагата да ја совлада, туку храбро продолжи понатаму. Набргу по објавувањето на разводот, папараците ја фатија како ги сели работите во станот на поранешното момче Ранде Гербер.

Со Ранде го оствари својот долгогодишен сон да основа семејство. Двајцата се венчаа на 29 мај 1998 година и се добија две деца – ќерката Каја и синот Присли. Нивната љубовна приказна продолжи со ново поглавје кое зрачеше со среќа и остварување на соништата.

Кога пред неколку години ја прашале која е причината за разводот од Ричард, Синди признала дека пресудна била разликата во годините, премногу обврски и недостатокот на пријателство во врската.

 

View this post on Instagram

 

A post shared by Cindy Crawford (@cindycrawford)

„Имав 22 години и како млада жена на таа возраст се обидував да сфатам кој сум навистина и што сакам. Тој веќе имаше 39 години. Дваесеттите се важни години за секоја жена бидејќи конечно стануваме свесни за себе, тешко е да се промениме во брак, однеднаш не сте повеќе истата личност која партнерот ја прифатил. Најголем проблем беше што не бевме пријатели, имавме прекрасна врска, но не и пријатели“, изјави Синди.