Вечерва се емитува осумнаесеттата епизода на СПорткаст на „Слободен печат“.

Слободен печат во соработка со Ред Бул Македонија го обезбеди најголемото светско име во 3х3 кошарката, Душан Домовиќ Булут. Тој е гостин во последното издание на првата сезона од СПорткаст. Булут кој присуствуваше на националното финале во 3х3 кошарка, Ред Бул Хелф Корт рече дека тоа е најдоброто финале кое досега го следел. Тој имаше само пофални зборови за Скопје, за баскет културата која се негува во Македонија, како и за топлината и гостопримството на Македонците. Некогаш далеку најдобриот 3х3 играч пред камерите на Слободен печат, раскажа за своето детство во Нови Сад во екот на распадот на Југославија, за љубовта кон кошаркарската топка, зошто се одлучил да се фокусира на 3х3 кошарката, за настапите за гевгелиската гордост КК Кожув, а исто така раскажа и за своите настапи во 3х3 лигата во САД, која е единствена професионална 3х3 лига во светот.

Вечерва со почеток од 20 часот гледајте го финалето на СПорткаст на јутуб-каналот на „Слободен печат“.