Германскиот тенисер Александер Зверев ја освои титулата на мастерс турнирот во Синсинати откако во финалето беше подобар од Русинот, Андреј Рубљов.

Зверев за точно еден час игра славеше во два сета и тоа со 6:2,6:3 со што дојде до петтата титула во кариерата на мастерс турнирите од серијата 1000. Претходно Зверев славеше во Рим 2017, Монтреал 2018, Мадрид во 2018 и 2021 година.
Интересно е што Германецот до оваа година никогаш немаше остварено победа во Синсинати губејќи ги сите шест меча.

Quickest Cincinnati final since ATP keeps track.

2021 Zverev d. Rublev 62 63 in 59 minutes

2001 Kuerten d. Rafter 61 63 in 60 minutes pic.twitter.com/HVa3lFkLWs

— enrico maria riva (@enricomariariva) August 22, 2021

Зверев исто така стана првиот тенисер кои го освои златниот медал на Олимписките игри и славел на првиот мастерс по нив во Синсинати од 1996 година кога истиот подвиг го направи и Андре Агаси.

Во првиот сет, Зверев направи два брејка и поведе со 4:0 и без проблеми го освои сетот. Во вториот, Германецот повторно прави два брејка и при резултат 5:2 сервираше за титула, но Рубљов успеа да остане во игра правејќи брејк. Меѓутоа, веќе во наредниот гем, на сервис на рускиот тенисер, Зверев направи рибрејк и дојде до вкупно 17, титула во кариерата.

Кај дамите, титулата ја освои првата тенисерка на ВТА ранг листата, Ешли Барти која во финалето со 6:3,6:1 ја победи Жил Белен Тајхман од Швајцарија.

Sweet Cincy smiles ??#CincyTennis pic.twitter.com/S9ThkXEcp8

— Western & Southern Open (@CincyTennis) August 22, 2021