Мало кафуле во Лондон решило на своите клиенти да им понуди нешто необично и по необична цена, пишува „Дејли мејл“.

Вистинските љубители на кафето не можат да си замислат ден без својот „магичен пијалок“, а оние со длабоки џебови можат да пробаат кафе во Лондон за кое ќе треба да издвојат 265 фунти (310 евра) за една шолја.

Кафулето „Шот“ во елитните лондонски населби Мејфер и Мерилебон наплаќа олку поради потеклото на зрната од кои се прави кафето.

Имено, кафето се прави од зрната Типика, поквалитетен подвид на Арабика. Но, тоа не е сè – тие растат и созреваат на имотот Накајама на јапонскиот остров Окинава.

Килограм од овие специјални зрна чини 1.730 евра (1.480 фунти), без трошоците за транспорт.