Следниот нов папа кој ќе го наследи папата Франциск сигурно нема да биде жена – поради со векови долгата традиција.

Кој ќе ја преземе улогата на Светиот Отец на чело на Католичката црква по смртта на папата Франциск е прашање што го интересира голем дел од светот, но одговорот на тоа прашање сè уште не е познат.

Новиот папа мора да биде маж

Иако седницата на Папската конклава нема да започне пред да поминат најмалку 15 дена, а одлуките ќе се носат тајно меѓу ѕидовите на Систинската капела, веќе е познато дека новиот папа ќе биде маж – бидејќи сите 138 можни кандидати се мажи.

И покрај неговиот полиберален пристап, папата Франциск остана цврсто на својот став дека жените не може да ја преземат оваа ценета улога. Теоретски, секој крстен маж може да влезе во избор, иако во пракса конклавата обично избира некој кој веќе е кардинал. Правилата наведуваат дека кандидатот не смее да биде оженет и дека веќе мора да биде признаен како свештеник, епископ, ѓакон, мирјанец или кардинал.

Токму тоа е причината поради која крстените жени ја немаат истата можност – затоа што Католичката црква не дозволува ракополагање на жени за свештеници. Тоа е традиција која се протега низ вековите и важела за сите 266 папи.

Улогата на жената во Црквата

Оваа вест може да биде изненадување за некои, имајќи предвид дека на папата Франциск не му било непознато кршењето на традицијата откако беше избран во 2013 година – тој се откажал од својата папска палата и одлучил да живее во Домот на Света Марта, поскромен црковен пансион, наместо во раскошната Апостолска палата.

Аргентинскиот кардинал, кој го избра името Франциск во чест на светиот Франциско Асишки, познат како „прогресивен папа“ поради неговите либерални ставови за теми како што се климатските промени и на ЛГБТК+ правата. Тој се залагал и за други реформи, како што се вклучување на повеќе жени на високи позиции во Ватикан и именувал повеќе кардинали надвор од Европа од кој било од неговите претходници – сето тоа во рамките за поинклузивна Католичка црква. Дури и по неговата смрт, тој продолжува да ги урива нормите, бидејќи ќе биде погребан надвор од Ватикан.

Но, дозволувањето на жените да бидат ракоположени никогаш не било дел од неговата агенда. Наместо тоа, во интервјуто за списанието „Америка“ нагласил дека жените имаат поинаква, но подеднакво важна улога во Црквата. На прашањето на новинарот зошто жените не можат да бидат ракоположени, тој одговорил: „Зошто жената не може да влезе во хиротонисана служба? Затоа што во Петровиот принцип за тоа нема место“, наведува „Католик њуз ејџенси“ (Catholic News Agency).

Инаку, Петровиот принцип се однесува на теолошката идеја во Католичката црква дека папата е наследник на Свети Петар, еден од дванаесетте апостоли, кого католиците го сметаат за прв папа. Овој принцип е основата на папската власт и хиерархија во Црквата.

„Тоа што жената не влегува во министерскиот живот не е ускратување“

Папата Франциск продолжил со објаснувањето дека Црквата е „жена“ и „невеста“ и дека религијата сè уште не ја развила теологија на жените што го одразува тоа, притоа нагласувајќи го постојниот Маријански принцип на женственост: „Тоа што жената не влегува во свештеничкиот живот не е лишување. Не. Нејзиното место е она што е уште поважно, а кое допрва мора да го развиваме – катехеза на жените во смисла на Маријанскиот принцип.

Тој навестил и дека „административниот пат“ може да биде можност за жените, признавајќи: „Верувам дека во овој аспект треба да им дадеме повеќе простор на жените“. Тој додал и дека жените се подобри во управувањето со работите и го нарекол „револуција“ назначувањето на пет жени на одредени позиции.