Зошто треба да носите црна облека во лето?
Носењето црно во летните месеци сигурно ви звучи како лоша идеја, како да сте осудени да се испотите, но всушност е добра идеја.
Препорачано
Како што пишуваат германските медиуми, црната облека на телото му го обезбедува потребното разладување во топлите денови. Звучи чудно, но во суштина има логика. Вистина е дека црната облека се загрева на сонце во лето, меѓутоа, црната боја го забрзува процесот на ладење на телото – токму затоа што апсорбира повеќе топлина.
Побрзо се потите во црно отколку во бело, но токму затоа телото побрзо се лади, пишува „Феникс“.
Интегрирана УВ заштита
И уште еден „плус“ на носење темна облека во лето е тоа што рефлектира дел од опасното сончево УВ зрачење, што го прави околу 97 отсто безопасно и нуди подобра заштита од можни изгореници што може да ги добиете ако носите светла облека.
Белата облека, од друга страна, не собира топлина, туку пропушта околу 40 отсто од штетните УВ зраци. Ако носите бели комбинации на облека, задолжителна е кремата за сончање под облеката.
Ова се вистинските материјали за лето
Во лето особено се препорачуваат природни влакна што дишат. Памук, лен или свила се удобни за кожата на високи температури, а исто така ја апсорбираат потта. Од друга страна, синтетичките влакна ја изолираат кожата и ја зголемуваат топлината на телото.
Носете лабави и широки модели
Вистинскиот крој за црна облека во лето се „оуверсајз“ моделите или облека поголема од вашиот конфекциски број. Пошироките парчиња облека овозможуваат циркулирање на воздухот, што создава ефект на ладење. Се препорачува да се носат пошироки туники, фустани и пошироки панталони.
