Пристигна новиот „Гладијатор“, продолжението на епскиот историски филм на Ридли Скот од 2000 година. Ѕвездата на „Гладијатор 2“ е ирскиот актер Пол Мескал.

Кој е Пол Мескал?

Роден е во февруари 1996 година во Мејнут, Ирска. Тој е син на полицаец и наставничка. Пред да се посвети на актерството, тој беше ирски фудбалер. Неговиот поранешен тренер Сиан О’Нил го опиша како многу зрел, физички силен и исклучителен стрелец.

Поради повреда го напушти спортот, а во 2017 година дипломира уметност на Тринити колеџот во Даблин. Три години подоцна, тој доби улога во мини серијата „Нормални луѓе“ и беше номиниран за нагрдата Еми.

Во 2021 година, тој дебитираше на големото платно со филмот „Темна ќерка“ во режија на Меги Гиленхал. Во 2022 година, тој глумеше во два филма во конкуренција на Канскиот филмски фестивал, „По сонцето“ и „Божјите суштества“. Филмот „По сонцето“ му ја донесе првата номинација за Оскар.

Иако има само 28 години, покрај номинацијата за Оскар, тој е добитник на наградата БАФТА за најдобар актер и најголемата британска театарска награда Лоренс Оливие.

Улогата во „Гладијатор 2“ ја доби преку „Зум“

Мескал неодамна зборуваше за процесот на аудиција за време на гостувањето во шоуто на Греам Нортон и се чини дека било пократко отколку што сите очекувале.

„Ридли не губи време. Мислев дека ќе има пробни снимања и аудиции, но зборувавме на ‘Зум’ половина час. Десет минути за улогата, а потоа дваесет минути за галскиот фудбал, неговото куче и неговата сопруга. Мислев дека ќе има повеќе, но тој се јави неколку недели подоцна за да ми ја понуди улогата“, раскажал Пол.

Иако очекувал дека процесот на аудиција ќе трае подолго, на крајот му се допаднало како сето тоа испаднало, пренесе „Венити фер“.

„Мислам дека тој се води од инстинктот, на сетот и надвор од него, и многу сум среќен што се тргна како што беше“, додал Мескал.

Зошто Ридли Скот го сакал Мескал за улогата?

Иако Мескал е релативно нов на филмската сцена, не му требаше долго време за да стане еден од најбараните млади актери на денешницата. Иако во изминатите две години се истакнуваше со улоги, на Скот особено му се допадна неговата прва улога во серијата „Нормални луѓе“.

Скот изјавил во интервју за „Венити фер“: „Секогаш кога гледам нешто, обично успевам да забележам интересни актери. Тоа е во мојата крв. И така, гледајќи телевизиска серија која всушност не е мој тип на серија, пред речиси четири години, прашав јас: ‘Кој е овој човек?’“

Режисерот веднаш договорил средба со ѕвездата на серијата бидејќи сакал да му понуди улога во новиот Гладијатор.

„Се сретнав со него и ми рече: ‘Секако дека сакам да работам на тоа’. Тоа беше тоа. Веднаш се фативме за работа, беше апсолутно совршено“, oобјаснил режисерот.

Златниот сооднос го рангираше меѓу најубавите мажи во светот

Минатиот месец, докторот Џулијан Десилва објави листа на најубави мажи во светот во 2024 година. За да ги добие резултатите, лекарот го користел златниот пресек. Првото место му припадна на актерот Арон Тејлор-Џонсон, второто место, според неговата пресметка, го зазеде Лусиен Лависконт, актерот кој го глумеше Алфи во хит серијата „Емили во Париз“. Трет најзгоден маж беше прогласен ирскиот актер Пол Мескал.

Што се однесува до приватниот живот на Мескал, тој не сака јавно да зборува за тоа.

ФОТО | Пол Мескал версус Педро Паскал: Објавени првите фотографии од сетот на „Гладијатор 2“

Дензел Вашингтон за исфрлената сцена со геј бакнежот од „Гладијатор 2“: Го убив пет минути подоцна