Зошто Адеми има мала минутажа? Причината е чудниот договор на Динамо со Кинезите
Македонскиот фудбалски репрезентативец Аријан Адеми летово се врати од Кина откако помина само шест месеци во екипата на Пекинг Гуан. Динамо Загреб со недели преговараше со Кинезите и конечно успеа да се договори за враќање на Адеми во последните часови од последниот ден од преодниот рок за 300.000 евра надомест.
Препорачано
-
1
-
2
-
3
Хрватскиот шампион не успеа да го пријави Адеми за натпреварите од групата во Конференциската лига и тој сезонава ќе може да игра во Европа само во евентуалната нокаут фаза. Откако се врати на „Максимир“, Адеми одигра само седум минути против Славен, 28 против Рудеш и 27 во средата против Пониква во Купот.
Кинезите додека преговараа со Динамо беа најдраматични и најодолговлекувани околу бонусот што треба да им го исплати хрватскиот шампион. Бонусите се причина што Адеми досега не одигра премногу минути за „модрите“, иако немаше преголема потреба за негово влегување во тие натпревари бидејќи тие беа веќе решени одамна.
Бонуси поврзани за минутажата на Адеми –
Имено, доколку Адеми до крајот на оваа година за Динамо одигра повеќе од 35 минути на осум натпревари (не сметајќи го судиското надополнување), Динамо мора да им плати на Кинезите 500.000 евра. Доколку до крајот на сезоната одигра повеќе од 35 минути на 15 натпревари, уште 700.000 евра ќе добијат Кинезите, што значи дека Адеми на крајот би можел да го чини Динамо 1,3 милион евра.
До крајот на сезоната Динамо го очекуваат уште девет дерби мечеви со Хајдук, Осиек и Риека, а за очекување е Адеми да игра најмногу на тие натпревари. Тој има можност веќе во недела (18.00 часот) на Пољуд против Хајдук, кога би можел да биде дури и во стартниот состав.
Напролет би можел да игра за Динамо во Европа –
До зимската пауза се закажани четири дербија (две со Хајдук и по едно со Риека и Осиек) на кои Адеми речиси сигурно ќе одигра повеќе од 35 минути. Доколку му се даде записник, Динамо би го избегнал да го плати споменатиот бонус од половина милион евра до крајот на годината, а останува само оној од 700.000, кој Адеми би можел да го исполни напролет.
Во вториот дел од сезоната би останале уште 11 минути во кои би можел да оди „во минус“ кога е во прашање минутажата, а тоа најверојатно ќе го искористи за дерби дуелите и за натпреварите од нокаут фазата од Конференциската лига.
