Зоран Јованов, татко на Васил Јованов, денеска пред Основниот кривичен суд во Скопје изјави дека не се чувствува виновен и дека не разбира што точно му се става на товар. Тој е обвинет за „загрозување на безбедноста на сообраќајот со опасно дејствие или средства“ поради наводна попустливост кон синот, кој во јануари годинава управувајќи автомобил без дозвола и под дејство на алкохол ја усмрти Фросина Кулакова.

Обвинителот Александар Марковски нагласи дека „татковата љубов и попустливост кон синот“ придонеле за создавање на опасната состојба.

Таткото на Васил Јованов не дојде на судење – судот не можел да го најде дома, а обвинителството му го смени кривичното дело во поблаго

„Факт е дека обвинетиот е офицер за пример и досега не бил во судир со законот, но тука сме за да цениме што требало, или не требало, да направи како родител“, изјави тој.

Одбраната, пак, преку адвокатот Сашко Дуковски, оцени дека обвинението е правно неосновано и претставува „преседан незабележан во македонската правна историја“. Дуковски најави дека ќе бара детално образложение за секој доказ што го поднело обвинителството.

Рочиштето беше одбележано и со реакција на таткото на починатата Фросина, Тодор Кулаков, кој побара изземање на судијката Снежана Марковска, по што беше отстранет од судницата.

Поднесено обвинение против таткото на Васил Јованов

Првичниот обвинителен предлог за „предизвикување општа опасност“ беше изменет откако обвинителството прибави нови докази, со што Зоран Јованов сега се товари за потешко кривично дело.

Васил Јованов осуден на 12 години затвор – таткото на Фросина бесен, за адвокатот пресудата е превисока!