Норвешкиот бијатлонец Јоханес Тингнес Бо го освои вториот златен медал на Зимските олимписки игри во Пекинг, а трет вкупно, откако славеше на трката на 10 километри.

Помладиот од браќата Бо победи со време од 24:00.4 минути и беше за 25.5 секунди побрз од Французинот Фијон Мае. Постариот брат Тарјеи Боего освои бронзениот медал доцнејќи 38.9 секунди зад помладиот брат.

На трката на 500 метри во брзо лизгање,нов олимписки шампион е Кинезот Тингју Гао кој победи со време од нов олимписки рекорд, 34.32 секунди. Сребрениот медал го освои Кију Мин Ча од Јужна Кореја кој задоци 7 стотинки, а бронзениот медал му припадна Ватару Моришиге од Јапонија со заостанување од 17 стотнки зад шампионот Гао.