На Балканското првенство во Сараево, Босна и Херцеговина, македонските таеквондисти се закитија со еден златен, два сребрени и три бронзени медали.

Злато освои Михаил Ангелевски од „Корио“, до сребро дојдоа Горјан Бадаровски („ТК Тигри“) и Давид Петковски („Младост“).

А бронзи за Александар Ангеловски („Корио“), Дамјан Василевски („Феникс-Кик“) и Дарко Георгиев („Бутел“).

Ангелевски (кадет, -61 кг.) со четири победи од кои сите рунди завршени предвреме со водство над 12 поени разлика стана балкански шампион.

На овој шампионат учествуваа над 600 натпреварувачи од 11 земји: Турција, Грција, Албанија, Косово, Македонија, Босна и Херцеговина, Србија, Хрватска, Романија, Бугарија и Црна Гора.