На церемонијата во Париз вечерва како и што се најавуваше Лионел Меси беше прогласен за најдобар играч во изминатата година.

Аргентинскиот фудбалер успеа да ја победи конкуренцијата и по рекорден осми пат да стигне до престижното признание. Најголем конкурент вечерва на Меси му беше Норвежанецот, Ерлинг Халанд кој сепак остана зад него. Напаѓачот на Манчестер Сити мораше да се задоволи со наградата „Герд Милер“ за најдобар стрелец.

Халанд во изминатата сезона беше предводник на нападот на Манчестер Сити со кој освои се што можеше да се освои, додека главната причина поради која Меси ја доби „Златната топка“ е успехот со Аргентина на Светското првенство во Катар.

Кристијано Роналдо кој долги години беше главниот ривал на Меси за „Златната топка“ сега е далеку зад Аргентинецот со пет освоени во кариерата.

Oд останатите награди англискиот репрезентативец и фудбалер на Реал, Џуд Белингам беше прогласен за најдобар млад играч за 2023 година, голманот на Астон Вила и Аргентина, Емилијано Мартинез го доби признанието за најдобар голман.