Златко Далиќ: Нема да бидеме комплетни во дуелот против Македонија
Најдобрата македонска фудбалска репрезентација на 3 јуни во Риека ќе игра пријателски натпревар против Хрватска со почеток од 19.00 часот.
Препорачано
Хрватите, од друга страна, се подготвуваат за настапот на Европското првенство кое ќе стартува на 14 јуни. „Коцкестите“ на континенталниот шампионат во групната фаза редоследно ќе играат против Шпанија (15 јуни), Албанија (19 јуни) и Италија (24 јуни).
Пред настапот на ЕП, избраниците на хрватскиот селектор Златко Далиќ ќе имаат уште еден контролен меч против Португалија на 8 јуни.
Далиќ за дуелот против Македонија нема да може да смета на играчи кои сè уште не ја завршиле сезоната. Тоа се Лука Модриќ, Марсело Брозовиќ и Марио Пашалиќ. Никола Влашиќ сè уште е под знак прашалник, иако Далиќ има информации според кои би можел да биде подготвен за ЕП.
Се очекува селекторот да проба некои играчи кои се од втор план, но поголеми експерименти нема да прави:
– Нема да бидеме комплетни против Македонија, ќе бидеме во измешан состав. По дуелот со Македонија, ќе имаме два-три тренинзи, а потоа ќе следуват и Португалија. Тој натпревар ќе ни даде насоки што да правиме и како да продолжиме. Оние пет дена во Берлин пред Шпанија ќе бидат клучни. Ќе добиеме подобра слика против Португалија – вели Далиќ.
После контролниот меч против Хрватите, избраниците на селекторот Благоја Милевски ќе имаат уште еден пријателски натпревар во Храдец Кралове на 10 јуни против Чешка која исто така ќе учествува на Европското првенство во Германија.
Јован Манев: Кога играме за Македонија нема штедење, сите сме тука со една цел
