Кошаркарите на Златибор обезбедија пласман во финалето на завршниот турнир во АБА2 лигата кој се игра во СЦ „Јане Сандански“ откако со 98:83 славеа над Борац Бања Лука.

Победата на Златибор значи дека евентуален триумф на МЗТ Скопје во второто полуфинале, ќе значи и директен пласман на „металците“ во АБА лигата следната сезона.

Според пропозициите, во АБА лигата не смее да има шест екипи од една земја и поради тоа победникот од второто полуфинале меѓу МЗТ Скопје и Широки ќе обезбеди пласман во најквалитетното регионално кошаркарско натпреварување. За Златибор патот до АБА лигата е тежок бидејќи прво ќе мора да игра бараж двомеч со екипата на Сплит и доколку победи, го очекува пресметка со најслабопласираниот српски тим во АБА по што победникот од тој дуел би останал да игра во најсилната регионална лига.

Кошаркарите на Златибор подобро го отворија натпреварот и во првата четвртина само два пати му дозволи на противникот да има водство. Првата четвртина Златибор ја доби со 28:23, додека на одмор се замина до предност од само два поени 43:31.

Во второто полувреме, Златибор покажа дека е подобар тим, дојде до 19 поени предност (81:62) и до крајот рутински ја одржуваше предноста за убедлив триумф од 98:83.

Кутлешиќ со 30 поени беше најдобар во редовите на Златибор, а се истакнаа и Ѓуран со 21 поен и Николиќ со 20, додека кај Борац најдобар беше Болдвин со 21 постигнат поен.