Нов златен медал за најдобриот таеквондист од Македонија за еден месец и уште еден важен чекор кон исполнување норма за учество на Олимписките игри во Париз 2024.

Дејан Георгиевски во категоријата +87 кг. се закити со злато на „Загреб опен Г1“, Хрватска.

Во првата борба Македонецот запиша победа против италијанскиот натпреварувач Марко Насо (2:0).

Потоа, во полуфиналето триумфираше против Бразилецот Патрик Переира Кардосо (2:1).

А во финалниот меч Георгиевски имаше фуриозна победа над Брајан Зондероп од Холандија (2:0).

Во октомври Георгиевски дојде и до златниот медал на Г1 „Тирана Опен“ во Албанија.